என்னுரை - இது முன்னுரை




  என்னுரை - இது முன்னுரை

'நேற்று என்பது நினைவு ஆனது!
நாளை என்பது கனவு ஆனது!
இன்றுமட்டுமே நிஜம் ஆனது!'
என்று ஒரு பாடல் பாடுகிறது.


நேற்றை நினைத்து
வாடுவதையும், நாளையை
நினைத்து கலங்குவதையும்
விட்டுவிட்டு இன்றைய
தினத்தை இனிதே வாழ
வேண்டும் என்று இந்தப்
பாடல் சொல்கிறது.


"நேற்று போல் இன்று இல்லை!
இன்று போல் நாளை இல்லை!
அன்பிலே வாழும் நெஞ்சில்
ஆயிரம் பாடலே!"

என்ற இன்னொரு திரைப்பட
பாடலை எத்தனையோ முறை
கேட்டிருப்பீர்கள்!


"நேற்று போல் இன்று இல்லை!
இன்று போல் நாளை இல்லை!"
என்கின்றபோது ஒவ்வொரு
நாளும் ஒரு புதிய உலகம் தான்!
ஒவ்வொரு விடியலும்
புதிய உதயம் தான்!


இந்தத் தொடரில் நான் என்ன
எழுதப் போகிறேன் என்று எனக்கு
இப்போது எதுவும் தெரியாது!


ஒவ்வொரு நாளும் நான் புதிதாக
சந்திக்கின்ற புதிய புதிய
அனுபவங்கள் தான் இந்த புதிய
உலகம் சொல்ல உள்ள
விடயங்கள்!


கோமாளி திரைப்படத்தில் ஜெயம்
ரவி பல ஆண்டுகள் நினைவின்றி
கோமாவில் இருந்து விட்டு பிறகு
நினைவு ஏற்பட்டு இந்த உலகத்தை
புதிதாக பார்த்து வியந்து போனது
போல்தான் நானும் சுமார் 20
ஆண்டுகள் ஒரு சின்ன
உலகத்திற்குள் கட்டுண்டு
பாதுகாப்பாக இருந்துவிட்டு
திடீரென்று இப்போது
பாதுகாப்பில்லாத பரந்து விரிந்த
இந்த உலகத்திற்குள் வந்து
விழுந்து எல்லாவையும் புதிதாகப்
பார்க்கின்றேன்.


திக்குத் தெரியாத காட்டில் சிக்கிக்
கொண்டது போல் சில சமயம்
விழிக்கின்றேன்!


திசை தெரியாத கடலில் விழுந்து
விட்டதைப் போல் சில சமயம்
தவிக்கின்றேன்!


தற்போது நான் எதிர்கொள்கின்ற
புதிய புதிய நிகழ்வுகளில் நான்
முன்னெடுக்கும் செயல்களும்,
அதனால் எழும் பிரச்சனைகளும்,
எதார்த்த நிலவரங்களை புரிந்து
மாற்றிக்கொள்ளும்
நடவடிக்கைகளும், அப்போது
ஏற்படும் மன போராட்டங்களும்
தான் இந்த புதிய உலகம்!


இதனை நான் காணும் உலகம்
எனலாம்!


எனது சுயதரிசனம் எனலாம்!


நான் எதிர் கொள்ளும் புதிய
அனுபவங்கள் எனலாம்!


எது எப்படி என்றாலும் இனி நான்
நாளும் கண்டுணர போவதுதான்!


எனது புதிய உலகம்!

சரி! எனது புதிய உலகத்திற்குள்
போகலாமா?


உள்ளே போகலாம்!
வாருங்கள்!

நாளை முதல்...

(பயணம் தொடரும்....!)
-------------------------------------------------------------------

Comments

  1. V. Muthukumaran4 October 2021 at 21:54

    வணக்கம். புதிய உலகத்திற்குள் வருவதற்கு முன்பாகவே காந்தியப் பணிகளை தொடங்கி வெற்றியும் கண்டுள்ளீர்கள். காந்தி வகுத்த பாதை, தங்களது பணி ஓய்வு காலத்தை பாதுகப்பானதாக, சமூகத்திற்கு மிகவும் பயனுள்ள பணிகளை மேற்கொள்ளும் விதமாக தங்களுக்கு அமையும் என்பது திண்ணம். இணைந்து பணியாற்றுவோம். பணி நிறைவு காலத்தை நமக்கும், சமூகத்திற்கும் பணியாற்றுவதில் நல்ல தொடக்கமாக அமைந்துள்ளது. நல்வாழ்த்துக்கள். அருள்மிகு சிவகாமசுந்தரி சமேத தில்லை ஸ்ரீ ஆனந்த நடராஜப் பெருமான் அருள்புரிய வேண்டுகிறேன். நன்றி
    🙏🙏🙏

    ReplyDelete
  2. Unknown5 October 2021 at 22:32

    Congratulations to continue your journey

    ReplyDelete

Post a Comment

Popular posts from this blog

6. பாட்டி எங்கள் குலதெய்வம்

Image
6. பாட்டி எங்கள் குலதெய்வம் அதிகாலையில் எனது மூத்த மகன் அரசு தேர்வு எழுத மதுரை புறப்பட்டு சென்றான். வாழ்த்தி அனுப்பினோம். அரசு தேர்வில் வெற்றி பெற கடவுள் அருள் என்ற கொடுப்பினை வேண்டும்.  தன்னம்பிக்கை, விடாமுயற்சியுடன் கடினமாக தீவிரமாக பாடுபடுகிறவர்களுக்கு அந்த கொடுப்பினைக்கான  வாய்ப்பு இருக்கிறது என்பார்கள். இயன்றளவு படித்து உள்ளான். இருப்பினும் உறுதியாக எதனையும் சொல்ல முடியாதல்லவா? முயற்சி செய்வது மட்டும் தான் நமது கையில் இருக்கிறது. அதற்கான பலன் என்பது இறைவன் கையில்தான் உள்ளது. நல்லதே நடக்கும் என்ற நம்பிக்கையில்தான் வாழ்க்கை உருண்டு ஓடிக்கொண்டிருக்கிறது.  நாளை அப்பாவிற்கு முதலாம் ஆண்டு நினைவு நாள். அதற்கான முன்னேற்பாடுகள் இன்று செய்யப்பட்டன. என்னையும் எனது அண்ணன் தங்கையையும் படிக்கவைத்து அரசு வேலை பெறுவதற்கு வழிவகை செய்த எனது அப்பாவை நினைத்துப் பார்க்கின்றபோது எங்களுடைய பாட்டன் பாட்டியையும் நினைத்துப் பார்க்காமல் இருக்க முடியாது. பாட்டனை விட பாட்டியை நினைத்தே  ஆக  வேண்டும். ஏனென்றால் அவர்தான் எங்கள் குலதெய்வம். எங்கள் பாட்டனை எங்கள் அப்பாவே  பார்த்தது கிட...
Read more

இசை தரும் இனிய பாடல்கள் - 3

3. பூவில் நுழைந்து  தேனில் கலந்து...  பூவில் நுழைந்து தேனில் கலந்து  மணத்தை சுமந்து வானில் மிதந்து  காற்றில் நுழைந்து ஊற்றில் கலந்து  மருந்தைச் சுமந்து மனதைக் கவர்ந்து  வசந்த கால தென்றல் காற்று  வாரிச் செல்லும் இன்னிசைப்பாட்டு  காதில் கேட்கக் கரும்புச்சாறு  காலமெல்லாம் கவி பாடு! இனிய காலை வணக்கம்!
Read more

1. தொடுவானப் பறவைகள்

Image
  1. தொடுவானப் பறவைகள் இப்படி ஒரு நாள் வரும் என்று நெடுநாளாய் அவன் நினைத்திருந்தான்.  இன்று அந்த நாள் அவன் மீது விழுந்து மலைப்பாம்பாய் சுற்றிக் கொண்டது. காற்றில் ஒரு பெரிய உயர்ந்த வேப்பமரம் சலசலத்து ஆடி அசைந்து குதூகலித்துக் கொண்டிருந்தது.  ஏதோ வரலாற்று சிறப்புமிக்க நினைவு சின்னத்தை போல் ஒரு கணம் நின்று நிமிர்ந்து பார்த்துவிட்டு அவன் வயலை நோக்கி தளர்ந்து நடந்தான். செல்வத்தின் தந்தை கடலைச் செடிகளுக்குத் தண்ணீர் கட்டிக் கொண்டிருந்தார்.  வரப்பில் ஒரு பெரியவர் நின்று  கொண்டு அவருடன் பேசிக் கொண்டிருந்தார்.  அவரைக் கண்டவுடன் என்ன கேட்பாரோ என்று துணுக்குற்றவனாய் அங்கு வந்தான்.  தெரிந்த முகங்களைச் சந்திக்கும் போதெல்லாம் அவன் மனம் கொஞ்ச நாளாய் தடுமாறுகிறது. " யாரு செல்வனா?  என்னடாப்பா செஞ்சிக்கிட்டிருக்கே? " " சும்மதான் பெரியப்பா இருக்கேன்! " " காலேஜுக்கெல்லாம் போய் படிச்சயே!  ஏதாவது வேலை கீலை கெடச்சுதா. " முத்தண்ணே!  இவன நம்பித்தா கடன உடன வாங்கி கஷ்டப்பட்டு டிகிரி படிக்க வச்சேன்.  என்ன புரயோசனம்?  நம்மல காப்பாத்த் வேண்டிய நேரத்தல இன்ற...
Read more