3. விதையே நீ விழித்தெழு!

 



3. விதையே நீ விழித்தெழு!


நீ பழத்திற்குள் 

செழிப்பாக 

இருந்தாய்!


பச்சைக்கிளி 

உன்னை 

பக்குவமாகக் 

கொத்தி 

எடுத்துக்கொண்டது!


வெகுதூரம் 

பறந்து சென்று 

எச்சத்தில் 

உன்னை 

இறக்கி விட்டது!


அங்கு 

விழுந்து கிடந்த 

உன்னை 

ஆசையாக தூக்கி 

காற்று 

சுமந்து சென்றது!


அது 

வலு இழந்த 

இடத்தில் 

உன்னை

வைத்து விட்டு 

மறைந்து போனது!


ஆனால் 

என்ன

துரதிர்ஷ்டம்?


அந்த இடம் 

ஒரு பாறையாக 

போய்விட்டது!


அங்கு 

வெயிலில் காய்ந்து 

கருகிக் கொண்டிருந்த 

நேரத்தில்

மழை பெய்து 

உன்னை 

நகர்த்திச் சென்று

மண்ணிடம் 

கொண்டு சேர்த்தது!


வளமான 

மண்ணைச் 

சேர்ந்த பிறகு

தாயிடம் 

வந்துவிட்டதாய்

உளமாற 

நீ மகிழ்ந்தாய்!


அந்த மகிழ்ச்சியின் 

மயக்கத்திலேயே 

நீண்டநாள் 

கண்ணயர்ந்து 

தூங்கி விட்டாய்!


உறங்கியது 

போதும் 

உயிரே!


மண்ணுக்குள் 

இறங்கு!


நீரை 

நீ உறிஞ்சு!


உன் கருவை 

நீ உசுப்பிவிடு!


முளைவிட்டு

மண் கீறி

உரம் பெற்று

வான் பார்க்க

தலைதூக்கு!


பச்சை 

துளிர் பார்க்க 

ஆசை இல்லையா?


செடியாகி மரமாகி

பூவாகி பிஞ்சாகி 

காயாகி கனியாகி 

வாழையடி வாழையாக 

வம்சம் விருத்தி செய்ய

இயற்கை அறிவு 

இன்னும் உன்னை 

எழுப்பவில்லையா?


விதையே நீ 

விழித்தெழு!


மழை 

பெய்திருக்கிறது!


சூரிய கதிர்கள் 

சுகமாக வருடுகிறது!


காற்று இதமாக 

தவழுகிறது!


காலம் 

அழைக்கிறது!


உறங்கியது 

போதும்!


விதையே!

நீ விழித்தெழு!


உனக்கான கடமை 

ஓராயிரம் 

காத்திருக்கிறது!


ஆதலால்,

விதையே நீ 

விழித்தெழு!



*****

Comments

Post a Comment

Popular posts from this blog

6. பாட்டி எங்கள் குலதெய்வம்

Image
6. பாட்டி எங்கள் குலதெய்வம் அதிகாலையில் எனது மூத்த மகன் அரசு தேர்வு எழுத மதுரை புறப்பட்டு சென்றான். வாழ்த்தி அனுப்பினோம். அரசு தேர்வில் வெற்றி பெற கடவுள் அருள் என்ற கொடுப்பினை வேண்டும்.  தன்னம்பிக்கை, விடாமுயற்சியுடன் கடினமாக தீவிரமாக பாடுபடுகிறவர்களுக்கு அந்த கொடுப்பினைக்கான  வாய்ப்பு இருக்கிறது என்பார்கள். இயன்றளவு படித்து உள்ளான். இருப்பினும் உறுதியாக எதனையும் சொல்ல முடியாதல்லவா? முயற்சி செய்வது மட்டும் தான் நமது கையில் இருக்கிறது. அதற்கான பலன் என்பது இறைவன் கையில்தான் உள்ளது. நல்லதே நடக்கும் என்ற நம்பிக்கையில்தான் வாழ்க்கை உருண்டு ஓடிக்கொண்டிருக்கிறது.  நாளை அப்பாவிற்கு முதலாம் ஆண்டு நினைவு நாள். அதற்கான முன்னேற்பாடுகள் இன்று செய்யப்பட்டன. என்னையும் எனது அண்ணன் தங்கையையும் படிக்கவைத்து அரசு வேலை பெறுவதற்கு வழிவகை செய்த எனது அப்பாவை நினைத்துப் பார்க்கின்றபோது எங்களுடைய பாட்டன் பாட்டியையும் நினைத்துப் பார்க்காமல் இருக்க முடியாது. பாட்டனை விட பாட்டியை நினைத்தே  ஆக  வேண்டும். ஏனென்றால் அவர்தான் எங்கள் குலதெய்வம். எங்கள் பாட்டனை எங்கள் அப்பாவே  பார்த்தது கிட...
Read more

இசை தரும் இனிய பாடல்கள் - 3

3. பூவில் நுழைந்து  தேனில் கலந்து...  பூவில் நுழைந்து தேனில் கலந்து  மணத்தை சுமந்து வானில் மிதந்து  காற்றில் நுழைந்து ஊற்றில் கலந்து  மருந்தைச் சுமந்து மனதைக் கவர்ந்து  வசந்த கால தென்றல் காற்று  வாரிச் செல்லும் இன்னிசைப்பாட்டு  காதில் கேட்கக் கரும்புச்சாறு  காலமெல்லாம் கவி பாடு! இனிய காலை வணக்கம்!
Read more

1. தொடுவானப் பறவைகள்

Image
  1. தொடுவானப் பறவைகள் இப்படி ஒரு நாள் வரும் என்று நெடுநாளாய் அவன் நினைத்திருந்தான்.  இன்று அந்த நாள் அவன் மீது விழுந்து மலைப்பாம்பாய் சுற்றிக் கொண்டது. காற்றில் ஒரு பெரிய உயர்ந்த வேப்பமரம் சலசலத்து ஆடி அசைந்து குதூகலித்துக் கொண்டிருந்தது.  ஏதோ வரலாற்று சிறப்புமிக்க நினைவு சின்னத்தை போல் ஒரு கணம் நின்று நிமிர்ந்து பார்த்துவிட்டு அவன் வயலை நோக்கி தளர்ந்து நடந்தான். செல்வத்தின் தந்தை கடலைச் செடிகளுக்குத் தண்ணீர் கட்டிக் கொண்டிருந்தார்.  வரப்பில் ஒரு பெரியவர் நின்று  கொண்டு அவருடன் பேசிக் கொண்டிருந்தார்.  அவரைக் கண்டவுடன் என்ன கேட்பாரோ என்று துணுக்குற்றவனாய் அங்கு வந்தான்.  தெரிந்த முகங்களைச் சந்திக்கும் போதெல்லாம் அவன் மனம் கொஞ்ச நாளாய் தடுமாறுகிறது. " யாரு செல்வனா?  என்னடாப்பா செஞ்சிக்கிட்டிருக்கே? " " சும்மதான் பெரியப்பா இருக்கேன்! " " காலேஜுக்கெல்லாம் போய் படிச்சயே!  ஏதாவது வேலை கீலை கெடச்சுதா. " முத்தண்ணே!  இவன நம்பித்தா கடன உடன வாங்கி கஷ்டப்பட்டு டிகிரி படிக்க வச்சேன்.  என்ன புரயோசனம்?  நம்மல காப்பாத்த் வேண்டிய நேரத்தல இன்ற...
Read more